MARYAN
Muddo badan ayaan waday
Maweellada naftaadoon
Kuu miraayay hadalkoo
Si aan ku maqsuudiyo
Meermeerinaayee.
Anoo mooday xaajadu
Meel wacan inay maraysoo
Meher keliya noo hadhay.
Ayaad muran ka taagtood
“Macsalaama!” igu tidhi,
Kaamana mutaysane
Axdi aadan u meel dayan,
Waxaa dhaanta mayada’e.
Filan mayn, Maryaneey!
Marna kaama filannayn
Inaad “maya!” i leedahay
Walow maanta aad i tidhi,
“Is–ma naqaan!”
Haddaad moodday caashaqu
Maalmo qudha inuu yahay
Micnihiisa maad garan
Muuji iyo cayaar baad
Moodaysaa adiguye.
Intuusan igu maaxane
Micida igu adkaysan
Mahadhadiisa igu badan,
“Mid kalaan la haystaa”,
Marna imaadan odhanine.
Uurka oo mariid ah
Afka malab ka yeeshood
Isukay macnaysee
Murugo aan i hayn iyo
Mushkilad igu abuurtee.
Misna muran ka taagtood
“Macsalaama!” igu tidhi,
Kaamana mutaysane
Axdi aadan u meel dayan,
Waxaa dhaanta mayada’e.
Filan mayn, Maryaneey!
Marna kaama filannayn
Inaad “maya!” i leedahay
Walow maanta aad i tidhi,
“Is–ma naqaan!”
Haddaad moodday caashaqu
Maalmo qudha inuu yahay
Micnihiisa maad garan
Muuji iyo cayaar baad
Moodaysaa adiguye.
Laxanka iyo Luuqda: Bashiir Cali Xuseen
Loox-ereyga: Max’d Xasan Laangare
Laacdantunka: Kooxda Muusikada Waaberi
La Sameeyey: Muqdisho, 1975
Pingback: Maryan iyo Bashiir Cali Xuseen - Daily Somalia Report